Malaysia na Mglathala ng 1 Milyong mga Kopya ng Qur’an para Ipamahagi sa Buong Mundo
Sinabi ni Anwar Ibrahim noong Sabado na ang hakbang ay bahagi ng isang mahigpit na tugon laban sa Swedo politiko na si Rasmus Paludan para sa pagsunog ng kopya ng Muslim na Banal na Aklat sa Stockholm, Sweden.
"Ang pinaka mahusay na paraan upang labanan ang nakakabaliw at barbariko na pagkilos na ito ay ang magpatuloy sa mga pagsisikap na ginawa.
"Kami ay determinado na maglathala at ipamahagi kaagad ang isang milyong mga kopya ng Qur’an sa buong mundo.
"Ito ay susundan ng ilang mga programa sa pag-uunawa at pagpapahalaga sa Qur’an na may malinaw na mensahe at nilalaman," sinabi niya pagkatapos bisitahin ang Piyesta ng Sining na Pang-Qur’an sa Nasyrul Quran Complex, Putrajaya, noong Sabado.
Sinabi ni Anwar na ang pamamaraan ng paglilimbag at pamamahagi ay gagawin sa mga yugto.
"Nagsimula na ang programa at sisimulan na nating makipag-ugnayan sa ibang mga bansang Islamiko para idaloy na maayos ang pamamahagi.
"Karamihan sa alokasyon ay mula sa gobyerno. Hahanapin namin ang lokal na mga konseho ng panrelihiyon at makipag-ugnayan sa ating mga kaibigan sa ibang mga bansang Muslim (para sa pamamahagi)," sinabi niya.
Noong nakaraang Sabado, si Paludan, ang pinuno ng Danish na pinakakanang partidong pampulitika na Matigas na Hanay ay nagsunog ng kopya ng Qur’an sa panahon ng isang protesta sa harap ng Embahadang Turko sa Stockholm.
Noong Biyernes, 500 na katao ang nagsagawa ng pagtipun-tipunin sa harap ng gusali ng Hampshire Place sa Kuala Lumpur, kung saan makikita ang Embahadang Swedo na nagpoprotesta sa aksyon ni Paludan at nanawagan sa gobyerno ng Sweden na kumilos laban sa politiko.
Kabilang sa mga nag-organisa ng pagtipun-tipunin ay ang Angkatan Bersatu Anak Muda (Armada), Parti Pribumi Bersatu Malaysia kasama ang mga miyembro ng sangkap ng Perikatan National gayundin ang mga Samahan na Hindi sa Pamahalaan (NGOs).
Ang iskandaloso na hakbang ay kinondena din ng iba pang mga bansang Muslim katulad ng Bangladesh, Pakistan, Morocco, Jordan, Iran, Kuwait, Oman at United Arab Emirates.
